Os sindicatos dos traballadores municipais de Saceda de Caselas veñen de emitir un comunicado no que arrementen contra o actual alcadde, Marcos Besada.

Os representantes dos traballadores asistiron ao pleno celebrado o luns 29 de abril, onde os empregados públicos e os distintos sindicatos,  se manifestaron coma ven sendo costume para defender os seus dereitos laborais.

Alí o alcalde, segundo explican nun comunicado, "anunciou con absoluto desprezo polos seus empregados/as e cunha prepotencia propia de quen se cree posuidor da verdade absoluta, que ía abrir un novo expediente disciplinario contra un traballador municipal, e non contento con iso, leu parte dos escritos privados e internos que este empregado rexistrou comunicando 'deficiencias' do seu departamento ao superior xerárquico".

"Dende o ano 1873 cando no concello de Salceda non se abriu un so expediente disciplinario"

"Dende o ano 1873 cando se xestan os municipios modernos, no concello de Salceda non se abre un so expediente disciplinario a un empregado municipal-explican- polo medio houbo dúas repúblicas, dúas ditaduras e máis de 40 anos de democracia. Pois ben con Marcos Besada de alcalde xa levamos tres aperturas de expedientes disciplinarios en 12 anos, e o peor de todo, é que todos foron por que os traballadores/as que os sufriron, pretenderon cumprir coa súa obriga cumprindo a lexislación, non aceptando 'ordes presuntamente ilegais', que poderían ter consecuencias penais para os mesmos. A xustiza dirimirá se iso é prevaricación administrativa" explican.

Aos empregados municipais e aos distintos sindicatos con representación no concello, xa "non nos sorprende nada do que pase con este señor, pois no primeiro expediente aberto a unha traballadora modélica, alá polo ano 2008 -con apenas uns meses no goberno-, se dirixiu a ela (que se atopaba chorando pola angustia da situación), e en presenza coma testemuñas da concelleira da súa área e os delegados sindicais, vociferou (palabras textuais segundo os sindicatos): “Aquí van rodar cabezas...”, “Ides ir a puta calle...”, “ti levache a ostia, pero lle puido tocar a calquera...” e outras xoias que non se poden reproducir nunha nota de prensa" aseguran textualmente no comunicado.

A actitude de cara aos empregados durante estes anos non e que mudase moito, "senón que empeorou"  aseguran, e denuncian presións "agora se pos unha camiseta negra ou vas aos plenos a protestar pola túa inxusta situación laboral, es 'carne de canon' para que te menosprecen, falten ao respecto, te acosen e finalmente... senón entras 'polo aro' te abran un expediente disciplinario se es funcionario ou intenten botarte a rúa se es laboral, pagando todos os veciños e veciñas de Salceda auténticas barbaridades en indemnizacións e despidos irregulares" aseguran os traballadores.

Os traballadores, na súa versión dos feitos, explican tamén que "esta é a situación, día a día, mes a mes e ano a ano.... dos sufridos empregados municipais da empresa que pagamos todos os veciños e veciñas de Salceda de Caselas, o noso Concello".