O Porriño dobrará a contratación de persoas desempregadas para a prestación de servizos municipais e para os Obradoiros de emprego.

Así o anunciou esta semanao candidato á alcaldía, Alejandro Lorenzo, tras obter o compromiso do Conselleiro de Economía, Emprego e Industria, Francisco Conde, de poder modificar as ordes que establecen as bases reguladoras para a concesión de subvencións dirixidas a entidades locais para a contratación de persoal e para os Obradoiros de emeprego, dando opción aqueles Concellos que así o soliciten a financiar a contratación de máis persoas.

A medida proposta polo candidato popular,  permitiría pasar das 20 contratacións (contempladas actualmente na convocatoria segundo o tramo que corresponde ao municipio) a 40 anuais.

 

Lorenzo propón a dotación dunha partida orzamentaria para contratación de Persoal para servizos municipais e para aumentar o número de alumnos/as das Escolas Obradoiro de Emprego

 

"A xeración de emprego foi sempre una das miñas maiores inquedanzas, un pilar básico do meu proxecto político e de xestión", apunta Lorenzo, "O compromiso obtido permitiranos prestar servizos municipais, que os últimos catro anos veñen sendo realizados por empresas privadas, con persoal propio, ademais de proporcionar a persoas que se atopan en situación ou risco de exclusión social un emprego e a experiencia e a práctica profesional necesarias para facilitar a súa inserción laboral".

Do mesmo xeito, a achega municipal multiplicará por dúas a oferta dos Obradoiros e Talleres de emprego a través dos cales persoas desempregadas reciben formación mentres traballan en tarefas que supoñen un beneficio para a comunidade.

"Reducir a taxa de desemprego foi, é e será unha das miñas prioridades e non escatimarei esforzos niso. É esencial retomar as políticas de formación e emprego dirixidas a mellorar a empregabilidade e incrementar as posibilidades de incorporación ao mercado laboral das persoas que se atopan sen traballo, implementar medidas de fomento do autoemprego e volver tecer a rede de colaboración entre os distintos axentes económicos do Concello", concluíu Lorenzo".