A concellería de Sanidade que dirixe Vanesa Fernández alerta do risco de non dispor de dúas ambulancias 24 horas para as urxencias sanitarias. Fernández advirte que nas condicións que a Xunta de Galicia recolle  na convocatoria para o concurso do servizo non se esixe un mínimo de dúas ambulancias as 24 horas.

Vanesa Fernández explica que tan só esixen unha ambulancia 24 horas e outra 12 horas, puntuando con 10 puntos a aquelas empresas que fagan unha mellora e amplíen a segunda ambulancia a 24 horas.

“Este servizo básico debería ser un requisito imprescindible e non algo accesorio puntuable porque as nosas ambulancias cubren un territorio xeográfico extenso para catro concellos con suficiente poboación como para ser indispensable as dúas ambulancias as 24 horas”.

Para a concelleira as bases do concurso priman o interese comercial das empresas e non a cobertura sanitaria da cidadanía.