A concellería de Sanidade, dirixida por Vanesa Fernández, distribúe información sobre como protexerse do sol dentro da campaña annual de prevención e concienciación que ten como obxectivo educar á mocidade para evitar problemas de saúde na idade adulta.

Supervisados polo departamento de pediatría do centro de saúde local, Vanesa Fernández fixo chegar ao alumando de 3º e 4º da ESO folletos explicativos nos que ademais de facilitar consellos á hora de protexerse tamén se informa das consecuencias irreparables da radiación solar.

“Xa en tempada primaveral e de cara ao verán é importante que a mocidade aprenda a coidarse e coñeza os riscos de exporse ao sol sen ningún tipo de protección solar”.

Segundo explica a concelleira a Asociación Española de Pediatría (AEP) advirte que entre un 50% e un 80% do dano por exposición solar que un individuo recibe durante toda a súa vida se realiza durante a infancia e a adolescencia.

Os hábitos axeitados e a protección solar poden evitar un 80% dos casos de cancro xa que a exposición solar dende a infancia incrementa o risco de cáncer na vida adulta.

As e os pediatras advirten: As nubes, sobre todo se son finas, permiten o paso da radiación ultravioleta e os menores de 3 anos non deben exporse ao sol.

“A exposición solar intensa durante as duas primeiras décadas da vida está relacionada co fotoenvellecemento cutáneo e a formación de cancro de pel”.

Ademais, a concellería de Sanidade achegoulles tamén unha mostra de cremas de protección solar para que comecen a ter o costume de empregala a diario.