A conselleira de Educación, Universidade e Formación Profesional, Carmen Pomar, e o secretario xeral de política Lingüística, Valentín García, entregaron o premio do Concurso-Exposición das Letras Galegas ao IES Álvaro Cunqueiro (Vigo) polo traballo Insuela, nun acto celebrado neste instituto vigués. O certame escolar conta tamén coa colaboración de Feiraco, que estivo representada polo seu presidente, José Montes Pérez.

Carmen Pomar felicitou a alumnado e docentes pola súa implicación na elaboración dos carteis e guía didáctica gañadores, que recollen os valores de Antonio Fraguas, “un home que dedicou a súa longa existencia a recoller e protexer do esquecemento todo o que se estaba perdendo da Galicia tradicional”, ademais dun “mestre con verdadeira entrega e vocación ao ensino”.

As exposición gañadora difundirase no Portal da Lingua Galega e será distribuída por máis de 2000 puntos de interese.