A primeira comida do día tomou as redes sociais e as revistas de receitas e saúde con defensores e detractores que se enfrontan armados de ingredientes extravagantes e estudos científicos de maior ou menor rigor. Falar do almorzo é moito máis que compartir unhas bonitas fotos. Detrás del hai todo un mundo de verdades, falsos mitos e hábitos culturais. Un bo exemplo é o almorzo occidental, que composto basicamente por bolería, pan branco e azucre, deixou de ser a comida máis importante do día para converterse na máis perigosa. Pero se o zume de laranxa, os cereais de almorzo, as galletas ou, mesmo, a torrada con aceite e un lisco de pavo non son a mellor opción, que almorzamos? este libro dá resposta a esta pregunta e inclúe máis de oitenta receitas de almorzos sans e saborosos para toda a familia, ideas para aforrar tempo de preparación na cociña, alternativas caseiras para levar a clase ou á oficina e multitude de consellos para gozar as mañás como corresponde.