O xogador do Club Escola de Billar Sportivo, Brais Pino, participará no Campionato do Mundo de Billar categoría amateur nque se celebra do 23 de maio ao 3 de xuño.

O ponteareán Brais Pino xa fixera a súa primeira incursión nas Vegas hai quince anos e agora repite para facerse cos primeiros postos en bola 8, bola 9, parellas e equipos, categorías nas que competirá.

Xunto aos lucenses Fran Doval e Raúl Esmorís e aos mallorquíns Manuel Montejo e Carlos Gómez participará en equipo para representar ao estado español.

Brais Pino é o actual subcampión galego absoluto bola 9, foi campión galego en individual e en equipo e campión de España en equipo.