O Ministro de Cultura, José Guirao, e o Secretario Xeral do PSdeG-PSOE estarán este xoves ás 12:15 en Ponteareas coa candidata socialista á alcaldía de Ponteareas. O encontro terá lugar nun dos emblemas do patrimonio ponteareá, o Castro de Troña.

Neste encontro, Garrote aproveitará para falar co Ministro sobre a realidade do Concello. Por outro lado, os socialistas entregaranlle a Guirao uns agasallos, como son uns cd´s de música dos dous grandes compositores ponteareáns, Reveriano Soutullo e Rogelio Groba, uns libros sobre o patrimonio material e inmaterial da vila do Tea, e unha invitación formal para a súa asistencia ao Corpus Christi 2019 que terá lugar en xuño deste ano.