Con esta son tres maiorías para o Partido Popular de Mos que conseguiu incrementar o seu número de votos en 517 con respecto aos conseguidos no 2015. Así, o PP convértese na forza política máis votada alcanzando os 4264 votos.

 

 

Por detrás queda o Partido Socialista (2767 votos) que mellora os seus resultados incorporando un novo concelleiro e pasando a ter un total de cinco edís nesta lexislatura. O PSdeG PSOE en Mos quítalle deste xeito dous concelleiros a Gañamos.

 

Pola súa banda o equipo de Gañamos perde 979 votos, pasando de 4 a 2 edís no Pleno Municipal. O BNG mellora lixeiramente os seus resultados de 2015 pero non alcanza a ter un segundo concelleiro or 39 votos, quedando do mesmo xeito que nos catro anos anteriores, cun só edil nesta lexislatura.

 

Os mosenses volveron a mostrar o seu apoio total a Arévalo e o seu equipo de goberno para dar continuidade, e por terceira vez consecutiva, ao programa que comezaba no ano 2008.

 

A pesar das concentracións previas á campaña que posicionaban a algúns veciños en contra da cidade deportiva do Celta en Mos, nin a distribución en plena campaña electoral de cartas con falsos recibos de auga, nin as campañas organizadas por distintos colectivos conseguiron minar a confianza das veciñas e veciños de Mos en Nidia Arévalo e o seu equipo.