O PSdeG-PSOE de Ponteareas valora negativamente os resultados do pasado domingo, pois consideran que non foron capaces de capitalizar o seu traballo de goberno durante os catro anos de mandato.

Así mesmo, agradecen aos veciños e veciñas de Ponteareas a confianza depositada no Partido Socialista recordan que en Ponteareas segue habendo unha maioría de esquerdas onde o PSOE ten e terá un peso determinante para que se poidan levar a cabo políticas progresistas e de benestar para o conxunto da veciñanza.

Sen embargo, os socialistas de Ponteareas séntense satisfeitos pola súa labor á fronte das áreas de Urbanismo, Vías e Obras, Comercio, Seguridade, Mobilidade e Deportes, nos que se teñen avanzado e progresado áreas paralizadas durante anos polo PP e ACIP.

Os socialistas analizarán nesta semana os resultados para tomar decisións de cara o futuro e artellar cos resultados obtidos unha guía de mandato para os vindeiros catro anos nos que queren priorizar os intereses de Ponteareas por enriba de todo.