Coa finalidade de informar acerca do TEA e o importante papel do voluntariado na construcción dunha sociedade máis inclusiva e solidaria, o próximo xoves 30 de maio a Asociación Un Máis en colaboración co Centro Anarela, desarrollará a Xornada de TEA e Voluntariado.

Será as 20:00h na sala Félix Rodríguez da Área Panorámica, abordaranse temas como o valor da diferenza, a formación, deberes e dereitos dos voluntarios e a trascendencia do seu traballo nos proxectos nos que os beneficiarios sexan persoas autistas.

O obxectivo será ofrecer información aos participantes que sintan interese polo voluntariado, resolver dúbidas que pudieran ter e orientarlos aos diferentes proxectos que Un Máis ten en marcha.

Convidámosvos a todos a asistir e participar connosco na construcción dunha sociedade máis xusta na que todos nos sintamos corresponsables.