Unha persoa falecida foi atopada este mediodía flotando no Río Louro, á altura do albergue, no Porriño. Foi unha persoa particular quen, ao fío das 13:00 horas, comunicou o achado ao 112 Galicia. No seu relato indicaba que a persoa estaba boca abaixo e accesible.

Decontado, desde o 112 informouse ao 061-Urxencias Sanitarias, Garda Civil, Policía Local e aos Bombeiros de Baixo Miño. Tamén se solicitou a colaboración dos efectivos de Protección Civil.

Nestes intres, os servizos de emerxencia continúan no lugar do achado e investígase o esclarecemento do suceso.