Finaliza a tempada para o Club Baloncesto Baiona  que conseguiu bos resultados deportivos co Junior Feminino como Campión de Copa,  o Infantil Feminino Campión de Copa, o Cadete Feminino Subcampión de Copa e o Infantil Masculino Subcampión de Copa.

Campus de verán

O Club Baloncesto Baiona  organiza o seu Campus de verán que se celebrará no Pavillón Municipal de Baiona do 12 ao 16 de agosto en horario de 10.00-14.00.

O prezo do Campus é de 40€ para os Socios do Club e 50€ para non Socios. Para formalizar a inscrición, débese pasar polo Pavillón Municipal de Baiona ou chamar ao teléfono 986 356 558.

Os destinatarios son novos de 4 a 16 anos (haberá un grupo especial  Baby  Basket) e a súa participación terá como premio unha camiseta de agasallo para todos os xogadores, ademais o prezo inclúe  merenda todos os días a media mañá, un seguro de accidentes, xogos na praia e actividades complementarias, ademais de visitas  de adestradores e xogadores.