Doce curtametraxes realizadas en centros educativos integran a Sección Escolas Galegas do 12º Festival Internacional de Curtametraxes de Bueu, da que sairán os títulos gañadores das tres categorías nas que se subdivide este apartado do certame. A participación incrementouse dos 75 traballos enviados en 2018 ata os 93 rexistrados nesta ocasión, entre os que resultaron seleccionados os seguintes finalistas:

Categoría de educación especial, infantil e primaria:

• Abre tu mente - CEP Lois Tobío (Viveiro)
• Maruxa e Pepiño - CEIP de Guillarei (Tui)
• Novamente feliz - CEIP de Caión (A Laracha)
• Regueifando en Marín - CEIP do Carballal (Marín)

Categoría de educación secundaria:

• A contraluz - CPI Eusebio Lorenzo Baleirón (Dodro)
• Error 404. Girl not found - IES Politécnico de Vigo
• Mais eu non son eu - IES de Brión
• Mi mejor enemigo - IES Cacheiras

Categoría de centros de formación profesional e facultades:

• A ningunha parte - Facultade de Ciencias Sociais e da Comunicación (UVigo)
• Memorias de rodaxe - IES Audiovisual de Vigo
• Na memoria da túa esposa - Facultade de Ciencias Sociais e da Comunicación (UVigo)
• Pegaso 650 - IES Audiovisual de Vigo

Promover os novos valores do audiovisual é o obxectivo da Sección Escolas Galegas, na que os premios consisten en material audiovisual valorado nun total de 550 euros. O xurado está integrado polo sonidista Eloy Táboas, o músico e profesor Seso Durán e mais Alba Ferradás, graduada en Comunicación Audiovisual. As fitas gañadoras daranse a coñecer o 14 de setembro durante a gala escolar do FICBUEU 2019.