BENTELER inaugurou unha nova planta en Mos. A dirección da compañía, o presidente da Xunta de Galicia, Alberto Núñez Feijóo, representantes do goberno local como a alcaldesa, Nidia Arévalo, e os concelleiros Alberto Méndez e Julia Loureiro, clientes, provedores e empregados asistiron a esta cerimonia.

A planta forma parte da División de Automotive da empresa e producirá eixos traseiros para unha nova plataforma do seu cliente PSA, un fabricante mundial de automóbiles. Trátase da oitava planta de BENTELER en España. Comezará á súa produción en serie en xullo de 2019. Ten unha superficie de 12.000 metros cadrados. A produción en Mos centrarase en soldadura, pintura e corte por láser. Esta nova localización creará 175 postos de traballo adicionais na rexión de Galicia. BENTELER conta xa con 550 empregados na súa planta de Valadares, Vigo.

Fábrica Intelixente - Tecnoloxías dixitais desde a produción ata a loxística

Construída como a primeira fábrica intelixente de BENTELER na rexión do sur de Europa, esta nova planta utilizará as últimas tecnoloxías dixitais.Coma exemplo os vehículos intelixentes autónomos (AIV) garanten un fluxo autónomo e rápido de produtos e materiais na planta; ou as máquinas da planta supervisan o seu propio estado e solicitan o mantemento a tempo. Este tipo de mantemento preditivo evita as paradas de produción e minimiza os custos de servizo.

Ademáis as grandes arquitecturas de datos (Big Data) ofrecen a posibilidade de avaliar e manexar grandes cantidades de datos e a planta utiliza a impresión en 3D para o deseño de ferramentas e consumibles.

Os clientes benefícianse de procesos máis rápidos e eficientes

Ralf Göttel, Director Xeral (CEO) de BENTELER International AG, explica: "Somos un socio global líder para os nosos clientes da industria de automoción en todo o mundo. España é un dos nosos mercados estratéxicos clave. Coa nova fábrica intelixente en Mos, atenderemos aos nosos clientes de forma máis rápida, eficiente e flexible en tempo, calidade e custos".

As formacións potencian as competencias dixitais dos empregados

Ricardo García, Vicepresidente Executivo Rexión Sur de Europa de BENTELER Automotive, ofrece máis información: "Mos converterase nunha de plántalas líderes en tecnoloxías dixitais dentro do sector da automoción en España. Mellorar as capacidades dos nosos empregados será clave para implementar con éxito novas tecnoloxías na nosa produción. Por iso desenvolvemos un programa de especialización para Mos que fomenta as súas competencias".

Ricardo García engade: "Como un dos maiores empregadores da rexión, apoiamos activamente a formación e a especialización. Ademais do programa de formación na nosa sede de Mos, tamén establecemos colaboracións con escolas profesionais locais e coa Universidade de Vigo. E en 2014 lanzamos un programa de formación dual na rexión. Estes son pasos importantes para fortalecer o desenvolvemento económico desta rexión".