Tras as denuncias veciñais sobre a existencia dunhas vigas de formigón que obstaculizaban e impedían o paso  e a circulación tanto de vehículos como de peóns,  nun treito  sen pavimentar do camiño existente entre a “Discoteca a Reina”  e a N-550. De oficio o Concello acordou iniciar expediente investigando primeiramente  para tratar de determinar a titularidade do camiño, denominado Camiño do “Antigo Tranvía”,  para a continuación ordenar a retirada inmediata do material  e proceder, coa colaboración da Policía Local, a incoar o conseguinte expediente sancionador. “Que conste alto e claro que imos defender o patrimonio municipal e que sempre estaremos ao lado dos veciños” manifestan tanto o Alcalde en funcións, Camilo Augusto Martínez, como o Concelleiro de Urbanismo e Patrimonio , Alberto Méndez, presentes no lugar.