Unha persoa foi rescatada onte en Redondela tras sufrir, posiblemente, unha caída nas rochas, nunha zona de monte anexa á Ruta da Auga, en O Saxamonde.

Ao redor das 21:00 horas deste mércores, os servizos sanitarios de urxencia solicitaban ao 112 medios de rescate para unha persoa que requiría asistencia e que se atopaba no medio dunhas rochas. Ademais, indicaban  ao 112 Galicia que unha ambulancia e o helicóptero medicalizado con base en Santiago xa se dirixían cara o lugar.

Con estes datos, o 112 Galicia axiña puxo os feitos en coñecemento da Policía Nacional, Local e dos Bombeiros de Baixo Miño e de Vigo.

Finalmente, o ferido foi evacuado nunha ambulancia ata o centro hospitalario de referencia.