A Concellería de Deportes do Concello da Guarda decidiu aprazar a celebración da Travesía a Nado do Porto da Guarda, que todos os anos coincide coa celebración da Festa da Langosta e da Cociña Mariñeira, debido a que este ano se celebra unha proba similar nun concello limítrofe, ademais de que tamén se celebra esta fin de semana o Campionato Galego de Balonmán Praia.

Para evitar duplicidades e tentar que todos os deportistas podan participar a Concellería de Deportes está xa traballando nunha nova data, que será anunciada convenientemente.