Eva García, alcaldesa da cidade invitou a “a todos e todas porriñesas a vir ás Festas da San Benito así como a todos os habitantes da bisbarra e da área metropolitana para que se acerquen a Porriño e veñan a disfrutar con nós” segundo dixo na presentación do programa festivo realizada esta mañán no Concello.

Este serán un concerto da Banda da Escola Municipal de Porriño (20 horas), unha verbena a cargo do grupo “Canela” (21 horas) e outra ás 23 horas con “Kubo” marcan o inicio da Festa de San Benito 2019.

Os festexos están organizados polo Concello de Porriño en colaboración coa Comisión de Festas de San Benito, cun orzamento que non chega ós 20.000 €.

David Alonso, como concelleiro de Festas neste intre, valorou que “o programa que fixemos moi completo é para todas as idades”.

Mañá, data de San Benito, día grande da Festa e festivo local, os actos comezarán ás 19,30 horas coa actuación da Agrupacióm San Xurxo de Mosende. Ás 21 horas haberá un concerto de acordeóns da “Argonat Band”. E de noite, dende as 22,30 horas verbena a cargo do grupo M-3.

No que atinxe ós actos relixiosos hoxe mércores celebranse varios oficios durante a mañán e a mediodía a Misa Solemne na Igrexa Parroquial de Santa María. Ó remate da misa, haberá procesión ata a Capela de San Benito e despois a tradicional subastas das uvas do santo e as ofrendas diante da capela.