Dende o PP sinalan que "ante a negativa da Alcaldesa a convocar o pleno extraordinario solicitado polos populares o pasado 18 de xullo para abordar o impago a provedores e os múltiples incumprimentos en materia ecónomica do executivo socialista, o Secretario Municipal convocou onte a sesión solicitada polo PP para o vindeiro 26 de agosto".

"Así, tras cumprirse os 15 días legalmente establecidos sen que Eva García convocara o pleno solicitado polo Grupo Municipal do PP, convócase obrigatoriamente dende a Secretaría Municipal. Coa pertinente documentación e informes, os populares instan á revisión de oficio da facturación pendente de pago dos anos 2016, 2017 e 2018, que ascende a máis de 5 millóns de euros,  e que foi rexeitada de maneira sistemática polo goberno de Eva García, así como o inicio dunha investigación da facturación devolta que permita determinar canto se adebeda a cada provedor e elaborar a correspondente proposta de recoñecemento extraxudicial de crédito" explican os populares.

"Pese aos impedimentos postos pola Alcaldesa, conseguiremos que se investigue a xestión e a forma de contratación desta facturación para poder pagar con garantías aos provedores que prestaron os seus servizos ao Concello do Porriño e levan, moitos deles, anos sen cobrar", apuntou o voceiro dos populares, Alejandro Lorenzo, "Eva García terá que responder tamén e explicar a arbitrariedade coa que durante estes anos abonou as facturas a determinadas empresas mentres outras continúan sen cobrar".

Os populares pretenden deste xeito rematar coa opacidade coa que o Goberno Municipal do Porriño está encubrir a súa xestión económica, avalando estas explicacións á cidadanía cos correspondentes informes dos responsables de área e dos técnicos municipais sobre a manipulación ou duplicidade da facturación, os motivos polos que foi rexeitada, os prezos de mercado correspondentes a estes gastos así como os infomes sobre os administradores das empresas con maior facturación, coincidentes entre sí moitos deles.

"Poden mentir unha e outra vez e seguir desacreditándonos pero, como prometín, imos chegar ata o final para salvar a grave situación económica na que este executivo sumiu ao Concello do Porriño e a moitas empresas e autónomos que padeceron as consecuencias da xestión de Eva García e do seu goberno. Non van a conseguir calarnos", concluíu Lorenzo.ntabamos no noso goberno na mesma partida e cos que asegurabamos sobradamente non só a celebración de Porrigalia, senón de todos os festexos que se celebraban na vila. Se é certo que xa non dispoñen de cartos nesa partida, deberán explicar ás veciñas e veciños do Porriño en que se gastaron  eses 700.000 euros no que vai de ano".