Esta semana comezaron as tarefas de lixado, pulido e barnizado das pistas do Polideportivo Municipal. O inicio destes traballos estivo condicionado a dispor da achega económica de 48.387 euros que aporta a Deputación Provincial ó Concello do Porriño.

Durante esta semana realizarase o arranxo da pista 2. E posteriormente acometeráse a pista 1, conforme negociou o concelleiro David Alonso cos clubs deportivos e usuarios das pistas do Polideportivo. No caso dalgunhas entidades buscaronse pola Concellería alternativas para adestrar nas pistas dos CEIP de Torneiros e Atios namentres executanse os arranxos no Pavillón Municipal.

Estes traballos englobanse nas melloras que o Concello está a implementar no Polideportivo Municipal como a recente estrea das novas máquinas instaladas no ximnasio e as que se realizan na piscina cunha inversión global de 80.000 euros.