O Xefe Territoral de Educación, visitará o centro educativo de Atín, para anunciarlle e presentar o documento de adxudicación, a dirección do centro que a obra de cambio de ventás será feita de inmediato. Tal como no seu día prometeu a Alcaldesa, que a Xunta o tiña aprobado nos orzamentos para o ano 2019, demóstrase neste mes de setembro.  

Esta obra constará de 2 fases, quedando unha parte pendiente do orzamento do 2020.

Na compaña da Unidade Técnica o Xefe Territorial informará  que se porá en marcha o antes posible a obra do Novo acceso e peche do centro, cun presuposto cerca de 40.000 euros,  que aínda sendo competencia municipal será asumida pola propia consellería.

A Alcaldesa e Concelleira de Educación, "lle queren aclarar ao Sr. Jose A. Mantilla concelleiro do PSOE,  que este goberno sempre traballou e traballa cunha folla de ruta,  que en Mos temos 5 Centros Educativos de Primaria e a mellora dos mesmos é unha das nosas prioridades. Será que  igual el só repara agora no CEIP de Atín, porque é o que lle interesa" segundo explican nun comunicado.  

Quere  poñer tamén  de manifesto a Sr. Arévalo, que  "todos os anos, ao remate de cada curso escolar se envía a Delegación territorial de Educación as necesidades que presenta cada centro educativo , coa prioridade  directamente marcada pola  dirección do centro”. “Sería máis doado facer todas as reformas co orzamento municipal, pero consideramos que non lle compete ao Concello este tipo de obras e reformas e buscamos que sexa a consellería a que lle de resposta, por ser da súa competencia” apunta a Alcaldesa.