O PSOE urxe a aprobación definitiva do  PLAN XERAL pola Xunta de Galicia ante a primeira das moitas sentencias que caerán sobre o Concello se non se aproba o PXOM canto antes. Así o Tribunal Superior de Xustiza de Galicia acaba de ordear ó concello a demolición do supermercado Eroski o que suporá o pago dunha cuantía importante que sairá das arcas municipais.

Esta situación que se remonta á época na que a actual Directora Xeral de Turismo, Nava Castro, era Alcaldesa de Ponteareas, non fai senon confirmar o desastre urbanístico que durante décadas executou o PP en Ponteareas e que hoxe, teremos que pagar todos os veciños e veciñas da Vila.

O PSOE de Ponteareas insta á edil do PP, Belén Villar, para que se sume á petición feita polo PSOE e que a Xunta aprobe dunha vez o documento que que xa esta na consellería. Así, afirma Alfonso Porto, presidente da Xestora “en vez de facerse tanta foto con conselleiros para tratar de vender unha xestión política inexistente, a Sra. Villar debería, polos seus veciños e veciñas, facer forza co PSOE para que a Xunta entenda a urxencia de ter un plan xeral en Ponteareas”.

O PSOE preocúpalle os postos de traballo que están nestes intres en risco e aos que dentro duns meses poden sumarse máis, xa que “ao non ter plan xeral en Ponteareas moitas empresas están nunha inseguridade xurídica que non é culpa de máis nadie que do PP e ACIP, partidos culpables da desfeita urbanística na nosa Vila .Non contentos con todo o que fixeron, seguen a día de hoxe tratando de impedir a aprobación do tan necesarioa plan xeral”, afirma Alfonso Porto presidente da Xestora do PSOE en Ponteareas.