A recente integración do equipo de Seguridade Cidadá da Policía Nacional de Redondela na Comisaría de Vigo mellorou, segundo a  subdelegada do Goberno en Pontevedra,  Maica  Larriba, a “operativa e a atención aos veciños do municipioe que  “se patrulla as 24 horas no municipio”.

Larriba destacaba que “as actuacións se incrementaron nun 111% desde o pasado mes de maio cando se reestruturou o servizo. Ademais explicaba, durante a celebración da Xunta Local de Seguridade do municipio  redondelano, o incremento nas actuacións por infraccións penais nun 223%  ou de máis dun 4.000% nas actas incoadas por consumo de droga.

Pola súa banda, a alcaldesa da localidade, Digna Rivas, que participou na Xunta Local con outros membros da corporación, Policía Nacional, Local e de Tráfico da Garda Civil, mostrábase satisfeita polo bo funcionamento destes servizos de seguridade destacando a “colaboración entre os dous corpos policiais".

As xuntas locais de seguridade ordinarias se  celebarán todos os anos, polo menos unha vez ao ano e tamén cando sexa necesario.