Sofía é unha muller de mediana idade dedicada intensamente á súa vida profesional. Tras sufrir un desmaio fronte a un gran grupo de persoas cando ía empezar a súa intervención nun evento público, debe ser ingresada no hospital. Ao día seguinte, comunícanlle unha terrible noticia.

A partir dese momento, Sofía inicia un camiño de transformación persoal e o que nun principio é unha noticia tráxica convértese nunha lección de vida na que todo o seu mundo cobra un novo sentido.

A través das conversacións con Maya, a súa sabia e doce compañeira de habitación, Sofía transformará a visión da súa vida aprendendo a desfacerse dos seus medos e a concentrarse no verdadeiramente importante. O seu temor polo futuro desaparece por completo e de súpeto o presente revélaselle como a única fonte de plenitude.