O PP de Porriño presentou unha moción ao próximo pleno ordinario, que se celebrará mañá mércores 30 de outubro, para que o Concello do Porriño conceda unha axuda á Asociación Galega de Afectados por Silicose,  Osílice.  Trátase de aprobar unha partida de 2.500 euros para axudar a esta asociación para facer fronte aos gastos da súa actividade.

"Debemos recoñecer o labor que esta asociación vén realizando desde a súa constitución en 2013, asesorando e defendendo os dereitos dos afectados por esta enfermidade que afecta por centos de persoas non só no Porriño, senón en toda Galicia", apuntou Alejandro Lorenzo, "Non é a primeira vez que solicitamos que se apoie o seu traballo desde o Concello, conseguimos que se aprobase en pleno en novembro de 2018. Non é aceptable que non se apoie a esta asociación en base ao labor social que desempeñan e ao gran número de afectados por silicose que hai no noso termo municipal".

Así mesmo, ante a necesidade urxente que teñen os clubs deportivos de dispoñer de recursos suficientes para o seu funcionamento, os populares piden novamente -xa foi aprobada a instancia deste grupo en 2018- que se incrementen as partidas destinadas ao Club Baloncesto Base, Mosende AD e Budiño CD en 40.000 euros, 3.000 euros e 3.000 euros, respectivamente.