O Concello de Salvaterra de Miño recorda que ten a disposición das persoas maiores de 65 anos, un detector gratuíto de fume para a súa vivenda, de mínimo mantemento e de facil colocación, co fin de evitar situacións de risco de incendio e detectar de xeito rápido os fumes no interior das vivendas, un programa que arrancou o ano pasado dende o consistorio, froito dun convenio coa Axencia Galega de Emerxencias, dentro do programa de Cooperación Transfronteiriza España – Portugal e baixo Fondos Europeos de Desenvolvemento Rexional.

Todas aquelas persoas maiores de 65 anos que estean interesados deberán dirixirse ao Concello de luns a venres en horario de 09.00 a 14.00h para facer a súa solicitude, podendo levalo detector no momento.