O alcalde de Vigo, Abel Caballero,deu o visto e prace ás bases e convocatorias das bolsas "Concello de Vigo" para estancias lingüísticas no estranxeiro para alumnado da Escola Oficial de Idiomas de Vigo. O programa para 2020 presenta un orzamento de 175.000 euros para un total de cen becas. 

Da centena, 66 son para o Reino Unido e/ou Irlanda, 11 para Francia, 6 para Alemaña e/ou Austria, outras tantas para Italia, 4 en Portugal, 4 para Xapón e 3 para China. O Concello ofrece unha estadía formativa nestes países, tal e como fai cos 900 alumnos de Secundaria que xa viaxaron este mes de setembro ao Reino Unido e Irlanda.

A bolsa irá destinada a financiar á estancia de dúas semanas en calquera cidade (dalgún de estes países) elixida polos estudantes e aos gastos de viaxe de ida e volta en avión desde o aeroporto de Vigo ata a cidade de destino.