A Policía Local de O Porriño esclareceu un caso de secuestro do chófer dun vehículo dunha empresa portuguesa de aluguer con conductor. O chófer foi retido, presuntamente pola forza, por catro mozos tamén portugueses que viñan “de marcha” por varios días e que foron detidos por axentes locais de Porriño a través dun control policial efectúado na rúa Antonio Palacios. Previamente o vehículo de aluguer, un Seat León con matrícula portuguesa, foi avistado na subida á Risca facendo unha maniobra brusca polo que se activou un operativo.

Os axentes que interceptaron o vehículo comprobaron que o conductor presentaba un hematoma no ollo dereito e un traumatismo craneal. Dentro do vehículo había catro mozos portugueses, un deles menor de idade. 

 
O conductor recoñeceu entre bágoas que levara ós mozos desde Oporto ata Vigo o luns 5 e que cando lles manifestou o martes 6 que quería regresar a Portugal, impedironllo con golpes. A declaración do chófer concorda cunha denuncia presentada en Portugal por detención ilegal dese conductor. En consecuencia os catro mozos foron detidos, abrironse dilixencias e remitironse ó xuzgado baixo una acusación de presunta detención ilegal.

Tras pasar polo xuzgado os catro mozos quedaron en libertade con cargos.

Pola súa banda a víctima foi trasladada polos propios axentes ó Centro de Saude para ser atendido das lesións que presentaba.

Dase a circunstancia de que o esclarecemento deste caso de secuestro sobreviño cando a Policía Local despregaba o pasado luns una operación de “peche perimetral” al recibir noticia de que esa noite acababa de ter lugar un roubo con forza nun chalet dunha urbanización próxima.