Doce novos murais xa decoran os muros doutros tantos centros educativos dentro do V Programa para Arrumbar Medianeiras do Concello de Vigo. O alcalde e a tenente de alcalde, Carmela Silva, participaron este luns na clausura do programa durante o acto celebrado nos xardíns do Centro Social Afundación.

Os colexios seleccionados foron CEIP Canicouva, CEIP Escultor Acuña, CEIP Frián Teis, CEIP Vicente Risco, CEP Igrexa Valadares, CPR Nuestra Sra Esperanza, CPR Possumus, EEI Monte do Alba, EPA Adultos Berbés, IES Castelao, IES Coruxo e CEP Santa Mariña.

Pola súa banda, os artistas encargados de pintar os murais foron Cinta Vidal, Camila Falsini, Abi Castillo, Ghizlane, Mon Devane, Koctel, Marcos Puhinguer, Ana Santiso, Elara Elvira, Mina Hamada, Zosen Bandido, Kruella Denfer, Murone, Vanesa Álvarez, ErbMon e Chephoner. 

A elección dos murais levouse a cabo de forma consensuada entre os centros escolares e os artistas locais. Vigo xa conta con case 70 murais urbanos grazas ás cinco edicións do programa de medianeiras.

Nadal
Ademais, o alcalde avanzou en rolda de prensa que continúa a montaxe dos elementos da decoración de Nadal. Así, o boneco de neve xa está instalado en Rosalía de Castro, tamén a caixa de regalo de Gran Vía, a árbore xigante comezou a instalarse xa na Porta do Sol e segue avanzando el montaxe da nora.