O alcalde participou a semana pasada na presentación do XIV Premio Empresario/a e Premio á iniciativa emprendedora organizada pola Asociación de Jóvenes Empresarios e que serán entregados o próximo xoves 28 de novembro no Centro Social Afundación. Acompañado por Iván Suárez, presidente, Caballero eloxiou estes premios porque son un recoñecemento "á xente nova que tira pola cidade". 

Estes galardóns pretenden por en valor o esforzo, talento e traballo dos novos empresarios que contribúen ao desenvolvemento económico da nosa comunidade mediante a creación de riqueza e emprego. Os premios supoñen para os gañadores/as a proxección a través de medios e publicidade da súa actividade empresarial. 

Na rolda de prensa tamén estiveron presentes o concelleiro de Emprego, Abel Losada, e a vicepresidenta e xerente de AJE, Diana Lameiro e Rosa Fernández, respectivamente.