A asociación Lazoiro realizou os días 16 e 17 de novembro, no Salón Parroquial de Alxén, en Salvaterra de Miño, unha exposición para poñer en valor a memoria e o patrimonio desta parroquia, pola que pasaron preto de 400 veciños e veciñas. 

A exposición contou con paneis onde se amosaron  datos dos elementos patrimoniais de Alxén. Entre o contido víronse fotografías, planos e textos. Toda a documentación pretende achegar aos propios veciños o seu patrimonio, en definitiva unha visión que enriqueza o coñecemento diario que teñen del.

Ademais, o sábado 16 organizouse unha andaina guiada para a aproximación ao Patrimonio.

Dende Lazoiro explican “estamos moi contentos número de visitas, xa que esta iniciativa pretende facer un labor de divulgación do Patrimonio Cultural da parroquia de Alxén e a xente responde moi ben a este tipo de actividades”.