Axentes da Policía Local de O Porriño atenderon esta mañá o accidente laboral cunha víctima mortal acaecido na empresa "Lear Corporation" no polígono industrial de As Gándaras.

O 112 avisou do accidente á Policía Local de O Porriño ás 8.44 desta mañá.

Acudiron tamén Bombeiros do Parque Comarcal, Garda Civil e unha ambulancia medicalizada do 061. O médico da unidade asistencial certificou ás 9 horas a defunción duna persoa que quedou atrapada baixo un camión volcado.

A Policía Local puido determinar que a víctima era o conductor do camión que transportaba vigas metálicas e unha máquina elevadora. Foi identificado como J. G. M., de 57 anos, transportista autónomo e veciño de Salceda de Caselas.

Segundo a inspección ocular, a Policía Local conclue que "cando o conductor quería baixar a máquina elevadora polo lateral esquerdo empregando a grúa do camión, o vehículo envorcou debido ó peso excesivo e a un erro cos estabilizadores. O conductor quedou atrapado baixo a caixa do camión á altura dos mandos da grúa que operaba".

O atestado da Policía Local determina que "posiblemente de estar o estabilizador do lateral esquerdo perfectamente aberto, nunca teríase producido o accidente, salvo ruptura de algún manguito ou latiguillos hidráulicos da pata extensible do estabilizador".