A Asociación de Nais e Pais (ANPA) 'Eira da Liñaza' do CEIP Marquesa Pazo da Mercé organiza o 'Campamento de Nadal', coa colaboración do Concello de As Neves, unha actividade que estará aberta a rapazas e rapaces de entre 3 e 13 anos, os días 23, 26, 27, 30 e 31 de decembro e 2,3, 6 e 7 de xaneiro en horario de 09:00 a 14:00 h., no Centro Social de As Neves.

As persoas interesadas poden facer a inscrición no enderezo anpasneves@gmail.com, tendo en conta que o campamento contará con 30 prazas que se cubrirán por orde de anotación. O prezo é de 39€ para familias socias da ANPA e 49€ para aquelas que non o sexan.

Inscrición Cabalgata de Reis

O Concello mantén aberta a inscrición para aquelas nenas e nenos que queiran participar o vindeiro día 5 de xaneiro na Cabalgata  e acompañar aos Reis Magos. As carrozas sairán ás 17:30 h. dende a rotonda do Montesol, percorrerán o centro urbano e chegarán ata o Pavillón Municipal onde haberá xogos, agasallos ou inchábles.

Para anotarse basta con enviar un correo ao enderezo cultura@asneves.gal.

Programación de Nadal

Este martes día 10, bota a andar a Programación de Nadal de As Neves e o fai cunha sesión de Contacontos, ás 12:30h. no Auditorio Municipal. Neste caso estará a cargo de Raquel Queizás, quen representará 'Un caso azul', para as alumnas e alumnos de Primaria do CEIP Condesa do Pazo da Mercé.