VIGO
Volve a gala solidaria ‘Non te esquezas de rir’
O domingo, 9 de febreiro, o Auditorio do Teatro Afundación acollerá a quinta edición edición deste divertido espectáculo de monólogos
![[Img #59563]](https://xornal21.com/upload/images/01_2020/9235_cartel_monologos-gall-peque-20202.jpg)
A Asociación de Familiares de Enfermos de Alzheimer e outras Demencias de Galicia, Afaga, organiza un ano máis a gala benéfica de monólogos ‘Non te esquezas de rir’. A cita será o domingo 9 de febreiro no Auditorio do Teatro Afundación en Vigo, ás 19:00 horas.
Oswaldo Digón será un ano máis o gran mestre de cerimonias da gala, que conta con outros tres grandes cómicos galegos: Marcos Pereiro, Pepo Suevos, Federico Pérez.
Uns profesionais de excepción e moi solidarios, xa que participan na gala de forma totalmente desinteresada, coa única intención de facernos rir e apoiar ás persoas que sofren alzhéimer, ás súas familias e aos coidadores/as.
Pola súa banda, Afundación tamén fai unha gran achega para a celebración deste evento xa que, ano tras ano, cede a sala do auditorio a Afaga para poder realizar o espectáculo.
As entradas custan 12 euros e véndense en Ataquilla.com e no Centro de Atención Integral de Afaga, situado en Martínez Garrido, 21. Interior.
- ‘Non te esquezas de rir’, será o 9 de Febreiro no Auditorio do Teatro Afundación, Marqués de Valladares s/n. Vigo. Hora: 19:00 h.
- Custo das entradas: 12 euros anticipada, 15 euros en taquilla.
- Venda de entradas: Ataquilla.com ou nos centros de Afaga.
Guía de Servicios
Portada
