O rexedor referiuse á información publicada nos medios de comunicación sobre o envío dunha carta da conselleira de Medio Ambiente preguntando se o Concello quere facer a ampliación do IFEVI a través da Ordenación Provisional ou da Lei 3/2016 , o que cualificou como "tomadura de pelo; unha forma de perder o tempo en lugar de poñerse coa ampliación porque a decisión do Concello de Vigo manifestarase cando envíen o proxecto para sometelo a exposición pública". 

Caballero insistiu en que o Concello de Vigo promoveu a ampliación do IFEVI a través da Lei Vigo na última reunión do Padroado do organismo "como se votou no Padroado coas reticencias dos membros da Xunta de Galicia", polo que a conselleira "perde tempo e tiña que ter mandado o proxecto para exposición". 

Pola súa banda o goberno galego amosaba no escrito o seu “total compromiso coa ampliación de IFEVI” pero aclaráballe ao Alcalde  que “dado que o seu goberno municipal non ten incluidos os terreos sobre os que se pretende levar a cabo a citada ampliación na súa ordenación provisional, procedese á aplicación da Lei 3/2016”.

Dende a Xunta tamén recordaban que ademáis era necesario o informe de AENA e señalan que “A Consellería competente por razón da materia remitirá o expediente á Consellería competente en Urbanismo e ordenación do Territorio, á que solicitará con carácter de urxencia aqueles informes que sexan preceptivos de acordo coa lexislación sectorial aplicable”