A primeira hora desta tarde, os Concellos do Porriño e Mos decidiron de mutuo acordo, cancelar a reunión que ía ter lugar hoxe da nova Comisión Especial de Deslinde. O vento e a abundante choiva recomendaron finalmente suspender a cita. Celebraráse nunha vindeira data que establecerán de común acordo as alcaldesas do Porriño e Mos.

O propósito da Comisión cando pida celebrarse é reunirse na zona onde deben susbsanarse as discrepancias entre ambos concellos sobre a delimitación que afecta a varias vivendas e terreos. O lugar de encontro será no Cristo de Belén. Trataráse de fixar a liña de deslinde desde o Cristo de Belén  ata a Autovía.

Cada Concello achega representantes dos grupos municipais de cada corporación; o secretario municipal e ademáis veciños da zona en litixio. No que atinxe a Porriño foron nomeados para integrar a Comisión a alcaldesa Eva García, o tenente de alcalde Pedro Pereira (BNG) e os voceiros do PP, Alejandro Lorenzo; Pedro Ocampo (EU Son) e Manuel Carrera (UDDL).