Unha persoa foi evacuada a pasada noite despois de sufrir unha intoxicación a causa dunha acumulación de monóxido de carbono na súa vivenda. Segundo a información facilitada polos bombeiros ao 112 Galicia, unha estufa de gas prendida durante un largo período de tempo, sen a suficiente aireación, puido consumir o osíxeno no interior do inmoble e provocar a indisposición.

O incidente tivo lugar ás 23:45 horas na Rúa de Numancia, en Vigo. A esa hora, os profesionais de Urxencias Sanitarias de Galicia-061 contactaron co 112 Galicia para informar do suceso e solicitar medios para comprobar o inmoble.

Decontado, os xestores do Centro Integrado de Atención ás Emerxencias (CIAE) 112 Galicia puxeron os feitos en coñecemento dos Bombeiros de Vigo e dos axentes da Policía Local.

Unha vez realizadas as medicións pertinentes, os membros do Servizo de Prevención Extinción de Incendios e Salvamento confirmaron que a acumulación de monóxido na estancia proviña da estufa por culpa da falta de ventilación.