A edil socialista Victoria Alonso explica nun comunicado que "os representantes do concello de Mos confirmaron a súa asistencia a unha reunión coa veciñanza de Tameiga para falar das obras na contorna do fútbol club Louro. Estas melloras supoñen a humanización da zona de San Eleuterio, as que están financiadas polo plan concellos da Deputación de Pontevedra".

Alonso explica que "en reiteradas ocasións tras preguntas da oposición, a alcaldesa responde que as obras non están rematadas xa que a Confederación Hidrográfica Miño-Sil aínda non deu o permiso para mover uns postes de alumeado. Obra que antes das municipais o Partido Popular anunciou como rematada polo período electoral e que meses despois segue igual e a usa para confrontar a veciñanza, asegura o Partido Socialista de Mos".

A voceira socialista, Victoria Alonso, recrimínalle a alcaldesa que "da información tendenciosa. A realidade é que a petición de retranqueo dos postes foi feita por Fenosa, a cal a Confederación en decembro solicitoulle información e esta a día de hoxe non a remitiu, declara Alonso. Engade que o Concello, unha vez máis, quere facer un escrache político enganando a veciñanza e botándolle a culpa do retraso da obra a Confederación cando o retraso ven  producido por unha mala xestión de Fenosa e do Concello".

A voceira di que "outra vez o Concello de Mos está atacando a unha administración gobernada por outra cor política nun rabioso intento de atacar o PSOE". Tamén convida a actual rexedora "a que en vez de enviar cartas a Confederación para filtralas nas reunións coa veciñanza dicindo que está presionando a dita administración, mande as cartas a Fenosa que é da que estamos pendentes para rematar a obra". Recórdalle que "a súa labor é a de xestionar o Concello para mellorar a vida da veciñanza mosense, non usar o sillón para confrontar co PSOE. Alonso finaliza dicindo que espera que Fenosa remita a información na maior brevidade posible para continuar cas obras, senón Mos asistirá outra vez a venta electoral desta obra en vésperas de autonómicas".