A Asociación de Persoas con Discapacidade Vontade, entidade que forma parte da Confederación Galega de Persoas con Discapacidade (COGAMI) mantén pechadas as instalacións pero non deixa de prestar servizo ás persoas usuarias.

Esta entidade, da comarca do Baixo Miño, continúa prestando servizos ás súas persoas usuarias mentres están nos seus domicilios, co fin de crearlles unha rutina de actividade e que non caian no aburrimento.

Dende VONTADE manteñen contacto telefónico frecuente tanto coas persoas usuarias como tamén coas familias, para coñecer se teñen algunha dificultade e tamén para remitirlles exercicios de mantemento, co fin de que non perdan as habilidades adquiridas durante todo o ano ou para que non retrocedan os casos nos que teñen enfermidades dexenerativas.