A Xunta de Galicia vén de reiniciar, coas necesarias medidas de prevención establecidas, as obras do novo centro de saúde de Salceda de Caselas, que a Consellería de Infraestruturas e Mobilidade está a executar  e que permaneceron paralizadas durante as últimas dúas semanas.

Esta actuación, cun investimento autonómico de case 1,7 millóns de euros, está practicamente rematada. Nas vindeiras semanas levaranse a cabo os remates pendentes e as probas dos distintos equipos para constatar o seu correcto funcionamento. Neste sentido, o proxecto estará finalizado na segunda quincena de maio.