As Concellerías de Medio Ambiente e Deportes prepararon nestes días circuitos sinalizados no paseo do Río Louro cara ao sábado 2 de maio con motivo da desescalada que permitirá saír a camiñar só ou en parella así como a correr de xeito individual.

O uso do Paseo do Río Louro, a partir deste sábado e ata novo aviso, estará prohibido para ciclistas e bikers por que a súa convivencia con corredores e camiñantes sería imposible dadas as medidas de hixiene social que haberá que observar.

Os traballos de preparación incluiron desbroce e limpeza do paseo, sinalización dos circuítos que deberán empregarse así como recomendacións sobre o sentido da marcha e as distancias de seguridade.

Esta tarde, O Concello do Porriño subirá ás súas redes sociais un vídeo explicativo que describe os posibles circuitos así como un gráfico e unha guía de recomendacións e prohibicións.