Dende onte os cemiterios do municipio abrirán novamente ao público aínda que con aforo limitado a 25 persoas. A decisión adoptada polo Goberno de Redondela cínguese ao marcado no ‘Plan de transición cara a unha Nova Normalidade’ do Goberno central no referente á apertura dos lugares de culto.

O Concello de Redondela fixo tamén un chamamento “á responsabilidade dos veciños e veciñas á hora de evitar aglomeracións”, responsabilidade que “quedou máis que demostrada durante este tempo de confinamento e no que a gran maioría da cidadanía, agás excepcións puntuais, tivo un comportamento exemplar”.