O grupo municipal do Partido Popular  presentou un voto particular para a aprobación inicial do Expediente de Crédito Extraordinario, destinado a mitigar as consecuencias que a pandemia tivo para os autónomos do Porriño ,ao considerala insuficiente.

A contía que o equipo de goberno levaba a pleno é de só 100.000 euros e correspóndese con baixas nas partidas de gasto da  Festa  do Pan  do Porriño ( Acipor), Porriño Industrial e Club  Bacaropo, así como de promoción cultural e ANPAS. Unha partida para entender dos populares escasa, non consensuada coas asociacións e clubs ás que se retira a axuda e en ningún caso acorde coas necesidades actuais.

Así, a proposta dos populares incrementaría a 190.000 euros a dotación para a partida de axuda sumando á mesma 25.000 euros da destinada a asistencia a órganos colexiados comisións e plenos,  10.000 de asignación a grupos políticos, 10.000 da correspondente a bases salariais de corporativos con dedicación exclusiva, 30.000 euros de arrendamento do local para a aula UNED/UNED (xa en propiedade) e 15.000 doutros dous locais, propiedade tamén do  Concello.  

"Como corporativos debemos estar á altura da situación que viven os nosos veciños e non escatimar esforzos á hora de conseguir que ningún autónomo, hostaleiro ou comerciante de Porriño se vexa abocado ao peche definitivo", explicou Alejandro Lorenzo, "É posible e é noso deber dar resposta á vulnerabilidade que vive este sector, a condición de que se faga de maneira consensuada tanto coas asociacións de comerciantes, autónomos e hostaleiros como cos clubs deportivos e entidades ás que se vai a rebaixar ou retirar a achega. Máis que nunca debemos ser transparentes e ir todos a un tempo".

Neste sentido os populares, a fin de contribuír ao fondo creado para axudas, acordaron destinar as retribucións que ingresarían todo o ano 2020 por asistencia a comisións e plenos, así como a asignación que corresponde como grupo político. Así se fixo constar nun escrito dirixido ao Goberno Municipal o 31 de marzo e reiterouse o 14 de abril ao non obter resposta do executivo.

Esta renuncia facíase posible ben modificando as bases orzamentarias ou, na súa falta, que o  Concello habilite unha conta bancaria onde os corporativos e grupos municipais poidan ingresar as súas retribucións para axudas a autónomos.

 

A proposta foi tombada co voto en contra de PSOE, BNG,  EU SON e  UDDL

 

Esta proposta foi tombada polo resto de corporativos, aínda que os populares avanzaron que manteñen o seu compromiso e continuarán destinando as súas retribucións a este fin.

O grupo popular abstívose na votación tras reclamar que se manteña a partida de  ACIPOR destinada á  Festa  do Pan  do Porriño, pois consideran que existen alternativas para celebrala e isto é algo que debe ser tratado coa organización.Medidas.

Desde inicio da crise sanitaria o Partido Popular tendeu a man ao goberno municipal, non só mostrando o seu apoio á xestión senón facendo chegar propostas e iniciativas ao executivo. O fixo en reiteradas ocasións e polas canles oficiais.

"Se algo  temos claro  dende ou principio  é que  nesta situación de  excepcionalidade a única política que cabe é a de axudar aos nosos veciños. Esa é e foi nosa única prioridade", continúa Lorenzo, "Por iso entendiamos esencial que se atendese a nosa proposta para a elaboración dun Plan de Axudas a Autónomos. Esta situación require medidas reais, inmediatas e efectivas para que ninguén quede atrás".

O pasado 18 de marzo os populares solicitaron ao  Concello a paralización da cobranza de impostos, que estes fosen pospostos ao 2021, a cancelación das taxas municipais sobre as terrazas de hostalería, a bonificación ao 100% sobre a taxa de baleirado de fosas  sépticas ou a bonificación total ás Asociacións Culturais ou Deportivas do municipio sobre o IBI dos seus locais, entre outras.

Ante o  requirimiento de varios establecementos de servizos esenciais, solicitouse (28 de marzo) a  adquisión de material de protección como máscaras, lentes ou batas. Sendo conscientes da falta de existencias solicitouse a compra de material para confeccionalas.