VIGO
O goberno local apoia a programación da Orquestra Vigo 430 con 125.000 euros
Abel Caballero deu conta da aprobación este xoves da subvención mediante convenio á formación musical para levar adiante o seu programa de concertos deste ano, un total de sete actuacións que se celebrarán nas condicións que permita a crise sanitaria do Covid-19
A Xunta de Goberno Local reunida este xoves acordou aprobar a subvención nominativa mediante convenio coa Orquestra Vigo 430 para o financiamento do seu programa de concertos da presente tempada. O Concello achega 125.000 euros á formación musical para ofrecer sete concertos en distintos puntos da cidade, tendo en conta as condicións actuais derivadas da crise sanitaria do coronavirus.
A Orquestra Vigo 430 nace no ano 2005, formada principalmente por músicos profesionais e completada con expoñentes da canteira musical que xera o Conservatorio Superior de Música de Vigo, favorecendo a súa integración no ámbito profesional.
Tamén en materia cultural, o goberno vigués ratificou a subvención nominativa por 5.000 euros ao Teatro Ensalle para o desenvolvemento da programación da sala que leva o seu nome. A entidade xestiona desde 2003 a programación regular deste espazo.
Social
A Xunta de Goberno Local deste xoves aprobou dous proxectos de convenio no ámbito social, en favor da Fundación IgualArte e de Feafes Galicia, por importe total de 15.000 euros. A primeira recibe 10.000 euros do Concello para axudar ao ente coas súas actividades sociais, culturais, educativas e musicais de expresión, danza, teatro, plástica e arte, coas que crea un espazo integrador para as persoas con discapacidades e necesidades educativas especiais.
O acordo con Saúde Mental Feafes Galicia, pola súa banda, procura apoiar e fomentar as súas actividades, financiando con 5.000 euros os gastos de mantemento e alugueiro do seu local social.
A Xunta de Goberno Local reunida este xoves acordou aprobar a subvención nominativa mediante convenio coa Orquestra Vigo 430 para o financiamento do seu programa de concertos da presente tempada. O Concello achega 125.000 euros á formación musical para ofrecer sete concertos en distintos puntos da cidade, tendo en conta as condicións actuais derivadas da crise sanitaria do coronavirus.
A Orquestra Vigo 430 nace no ano 2005, formada principalmente por músicos profesionais e completada con expoñentes da canteira musical que xera o Conservatorio Superior de Música de Vigo, favorecendo a súa integración no ámbito profesional.
Tamén en materia cultural, o goberno vigués ratificou a subvención nominativa por 5.000 euros ao Teatro Ensalle para o desenvolvemento da programación da sala que leva o seu nome. A entidade xestiona desde 2003 a programación regular deste espazo.
Social
A Xunta de Goberno Local deste xoves aprobou dous proxectos de convenio no ámbito social, en favor da Fundación IgualArte e de Feafes Galicia, por importe total de 15.000 euros. A primeira recibe 10.000 euros do Concello para axudar ao ente coas súas actividades sociais, culturais, educativas e musicais de expresión, danza, teatro, plástica e arte, coas que crea un espazo integrador para as persoas con discapacidades e necesidades educativas especiais.
O acordo con Saúde Mental Feafes Galicia, pola súa banda, procura apoiar e fomentar as súas actividades, financiando con 5.000 euros os gastos de mantemento e alugueiro do seu local social.
Normas de participación
Esta es la opinión de los lectores, no la de este medio.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
Normas de Participación
Política de privacidad
Por seguridad guardamos tu IP
216.73.216.217