O Concello de Baiona vén de anunciar a apertura do prazo de inscrición para o tradicional Campamento Urbano que se desenvolverá entre o 1 e 31 de xullo, unha actividade dirixida aos nenos e nenas con idades comprendidas entre os 5 e 11 anos e que ten carácter totalmente gratuíto.

O Campamento Urbano, que terá aberto o prazo de inscrición ata o 23 de xuño, desenvolverase de 10:30 horas a 13:30 horas en dúas quendas –do 1 ao 15 de xullo e do 16 ao 31 de xullo– e contará con medidas adicionais de seguridade sanitaria para garantir as condicións de participación de todos os nenos e nenas.

Así, sinala o alcalde de Baiona Carlos Gómez, “cada grupo terá un máximo de 10 nenos e nenas e un monitor e haberá, a maiores, un coordinador/a de COVID-19”.

Esta persoa coordinadora da seguridade sanitaria, terá como funcións específicas controlar que, en todo momento, se cumpran as normas específicas de protección que marca o actual estado de pandemia, medidas entre as que se inclúe a estrita limpeza e desinfección do material que utilicen os nenos e nenas antes que este volva a ser utilizado por outro grupo. Será o encargado/a de manter o contacto coas nais, pais, ou persoas titoras dos e das participantes.

O prazo de presentación de solicitudes participar neste campamento está aberto ata o  23 de xuño e os formularios de solicitude estarán dispoñibles tanto na páxina web do concello.