Mercedes-Benz, un dos maiores fabricantes de vehículos  Premium, e NVIDIA, o líder global en computación acelerada, propóñense crear un sistema de computación revolucionario no vehículo e unha infraestrutura de intelixencia artificial. A partir de 2024 despregarase na nova xeración de vehículos Mercedes- Benz, outorgándolles funcións de condución autónoma avanzadas.

Grazas ao traballo conxunto, as compañías propóñense desenvolver a arquitectura de computación máis sofisticada e avanzada xamais implementada nun automóbil.

A nova arquitectura definida por software construirase na plataforma NVIDIA DRIVETM e será estándar na nova xeración de vehículos de Mercedes-Benz, permitindo funcións vangardistas de condución autónoma. Unha das principais características será a capacidade para unha condución automatizada de roteiros regulares dunha dirección postal a outra. Adicionalmente haberá numerosas aplicacións futuras en materia de seguridade e conveniencia. Os clientes poderán comprar e engadir funcións, aplicacións de software e subscribirse a servizos a través de actualizacións “over-the-air” durante a vida dos seus vehículos.