O Partido Popular do Porriño asegura que "creditou hoxe en pleno que o groso da facturación pendente de pago, correspondente aos exercizos 2017, 2018 e 2019, nunca foi levada a pleno para o seu recoñecemento e que en todos estes anos o Goberno Municipal non iniciou ningún trámite para pagar a estes provedores".

Os populares explican que "desmontan así a mentira do executivo que acusaba ao Partido Popular de bloquear o pago votando en contra no pleno, aínda cando a competencia de pago é da Alcaldesa que só as ten que levar a pleno para o seu recoñecemento se son irregulares ou pendentes de exercicios anteriores".

"Hoxe demostrouse a facturación de 25 empresas que está pendente de pago nunca foi presentada a pleno para o seu recoñecemento, tal e como o Goberno Municipal aseguraba ás empresas e aos veciños do Porriño. Por fin se demostra que estas facturas, cuxa contía ascende a millóns de euros, era rexeitada polo executivo que ou ben a incluía na conta 413 ou directamente a retiraban da contabilidade municipal", explica Alejandro Lorenzo.

Co obxectivo de esclarecer "dunha vez por todas a situación totalmente anómala, ilegal e irregular da contratación do Concello do Porriño, que ademais está a causar un grave quebranto ao erario público e un endebedamento desorbitado", o grupo municipal  popular solicitou este pleno onde se reclamaba información sobre as factura presentadas por 25 provedores.

Reclamaban que, para cada provedor, se adxuntase o expediente completo e o historial de facturas que se adeudan cos correspondentes partes de traballo así como os informes da Interventora Municipal e o Secretario, para sometera votación a incoación de revisión de oficio do expediente de facturación, pago ou crédito, ou sexa o que fora, segundo a normativa vixente e en base aos informes requeridos. Asimesmo, solicitabase a incoación de expediente de responsabilidade das persoas ou órganos de goberno que ordenaron ou consentiron a contratación irregular.

 

O pleno será convocado de novo cos mesmos puntos ao non aportar o Goberno Municipal a documentación requerida

 

"Esta facturación era rexeitada de maneira reiterada alegando a `ausencia de contrato´ como causa, sen remitir á empresa oficio algún onde indicara o motivo do seu rexeitamento", explica Lorenzo, "Hai empresas e entidades, como é o caso de Aceesca Emprego, que tras presentar facturas mensuais durante todo o ano 2017,  agora se atopan con que as súas foron devoltas e non existen na contabilidade municipal, é dicir, pese a ter prestado o servizo e rexistrado a factura a día de hoxe o Concello non lles debe nada. É unha situación dantesca e moi grave".

Lorenzo mostrouse agradecido de que, despois de anos defendendo que se debe pagar aos provedores, ao prezo de mercado e acreditando que se prestou o traballo, por fin "os corporativos, excepto o grupo socialista, cheguemos a un acordo para determinar que se fai coas facturas pendentes de pago". Ata o de agora os populares reclamaron de maneira reiterada a revisión de oficio da facturación a fin de coñecer a realidade de cada procedemento e que fora facilitada a documentación.

"Nós insistimos en que queremos pagar aos provedores, queremos que as empresas cobren", insiste o concelleiro, "O Goberno Municipal está a facer que paguen xustos por pecadores para evitar dar explicacións sobre unha facturación que está a ser investigada ao haber indicios de ilegalidade".

Con todo, a proposta do PP solicitando a revisión de oficio ou o precedemento a seguir para abonar a facturación pendente, quedou sobre a mesa ao non ter aportado o Goberno Municipal a documentación requerida. "Siguen intentando esconder a verdade e xa non poden. Este pleno solicitouse en tempo e forma  e tiveron máis dun mes para aportar a documentación", conclúe Lorenzo, "Pese á evidencia, a responsable de Facenda sigue mentindo pero as súas mentiras caen xa en saco roto".

Así, os 25 puntos do pleno debateranse de novo unha vez o Concello aporte toda a documentación requerida. "Agardamos que a Alcaldesa si estea presente nesa ocasión para explicar que aconteceu con estas facturas".