Nas Eleccións ao Parlamento de Galicia, 2.362 porriñesas e porriñeses axudaron a facer posibles os resultados acadados polo Bloque Nacionalista Galego, 19 escanos que converteron o BNG na segunda forza do Parlamento.

Desde o BNG do Porriño queren agradecer o apoio da veciñanza que fixo posible este resultado, do mesmo xeito que agradecen todo traballo realizado pola militancia e simpatizantes da organización.

Quedan por diante 4 anos nos que o BNG continuará traballando con humildade, fortaleza e ilusión -tanto a nivel nacional como desde a organización local- para seguir crecendo e conseguir que Galiza poida ter unha muller presidenta e un goberno coas mans libres para defender os intereses de todas as galegas e galegos.