Redondela é un dos  12 concellos da área territorial de Vigo que beneficiarase este ano das axudas que a Xunta de Galicia ten en marcha para  mellorar as coleccións bibliográficas e dotar de novidades editoriais ás súas bibliotecas e axencias públicas de lectura municipais integradas na Rede de Bibliotecas de Galicia, por un importe superior aos 45.000 euros.

A primeira liña de axudas, que subvenciona a dotación de novidades editoriais en galego en formato físico, achegará 2.436,62 euros para a súa biblioteca municipal.

O segundo programa, dedicado á mellora das coleccións bibliográficas, ten como beneficiarios este ano un total de dez concellos na área territorial de Vigo, entre eles Redondela cunha achega de 2.898,55 euros.